Pinterest CEO предлага глобална забрана за социјални мрежи за тинејџери под 16 години

Pinterest CEO Бил Реди упати апел до светските лидери да воведат забрана за користење на социјалните мрежи од страна на младите под 16 години. Во пост на LinkedIn, Реди истакна дека е потребен јасен и ефикасен стандард кој ќе овозможи забрана за тинејџери под 16 години, со конкретна одговорност за оперативните системи на мобилни телефони и апликациите што се користат на нив.

Апелот доаѓа во време кога во Лос Анџелес се води судски процес за влијанието на социјалните мрежи врз менталното здравје на младите, каде Google и Meta се соочуваат со обвиненија дека нивните апликации го влошуваат кризата со менталното здравје кај тинејџерите. Реди го посочи примерот на Австралија, каде е воведена забрана за користење на социјални медиуми од страна на лица под 16 години, како модел што би можел да се следи глобално.

Корисниците во САД мора да имаат најмалку 13 години за да се регистрираат на Pinterest, кој во последните години се обидува да се позиционира како популарна платформа за генерацијата Z, односно луѓе родени помеѓу 1997 и 2012 година. Според податоците на истражувачката компанија Apptopia, една третина од корисниците на Pinterest се на возраст меѓу 17 и 25 години.

Со ова, Pinterest се приклучува кон се поголемиот глобален дебат за безбедноста и менталното здравје на младите на интернет, презентирајќи поинаква позиција од големите технолошки компании, кои се под притисок од регулатори, судови и законодавци да ја променат својата практика при користењето на нивните продукти од страна на деца и тинејџери.