Полска забрани кинески автомобили во воени објекти поради страв од прибирање податоци

Полска воведе забрана за влез на автомобили произведени во Кина во воените објекти, повикувајќи се на безбедносни ризици поврзани со дигиталните системи во современите возила.

Според соопштението на Генералштабот на полската армија, одлуката следува по извршена анализа на ризик која укажала на можност од „неконтролирано прибирање податоци“, имајќи ја предвид сè поголемата интеграција на софтвер, сензори и комуникациски технологии во автомобилите.

Како членка на Нато, Полска останува внимателна во однос на безбедносната инфраструктура, особено во контекст на војната во Украина и позиционирањето на Пекинг. Иако Кина одржува блиски односи со Москва по руската инвазија, Варшава досега ги задржа трговските врски со кинеските компании.

На полскиот пазар, меѓу најпродаваните кинески брендови се моделите на SAIC Motor Corp. преку марката MG, како и возилата на Chery Automobile Co. и BYD Co..

Одлуката сигнализира поширок тренд во Европа и меѓу сојузниците на НАТО за зголемена претпазливост кон технологијата од Кина, особено во чувствителни безбедносни и воени зони, каде заштитата на податоците станува стратешки приоритет.