Qualcomm претстави нов напреден чип за дискретни AI уреди наменет за паметни гаџети кои можат да работат со АI без да ја празнат батеријата.

Следната генерација технолошки уреди можеби нема да има екрани, можеби ќе снимаат без да забележите, и можеби дури и нема да изгледаат како технолошки уреди. Qualcomm, компанијата чији чипови се користат во паметните телефони на голем број Android уреди, претстави нов чип наменет за вакви иновативни уреди. Според компанијата, расте интересот кај технолошките компании за уреди кои изгледаат како привезоци, игли, очила и други дискретни предмети кои се носат на телото.

Технолошките компании се обидуваат да предвидат дали популарноста на вештачката интелигенција ќе доведе до нов популарен производ, слично како што интернетот создаде основа за паметните телефони. Новиот чип Snapdragon Wear Elite е дизајниран за овие уреди, како и за паметни часовници, и овозможува работа со AI модели и поврзување со други уреди без значително трошење на батеријата, дури и при постојано снимање и комуникација со телефони и други уреди. Компании како Google, Motorola и Samsung веќе ќе користат овој чип.

Сепак, предизвик за технолошките гиганти е убедувањето на потрошувачите дека овие нови уреди можат да ги заменат или подобрат функциите на паметните телефони и дека ќе го почитуваат приватниот живот. Претходни обиди, како AI Pin на стартапот Humane основан од поранешни Apple извршни лица, покажаа дека не секој нов уред лесно се прифаќа од корисниците.

Новите уреди имаат потенцијал да ја подобрат функционалноста на телефонот во одредени задачи, како на пример моментални преводи при разговор, кои се прикажуваат директно во линијата на вид или преку слушалки. Уредите што се носат на телото можат да разберат контекст од околината преку камери, микрофони и други сензори, овозможувајќи поцелосни и прилагодени одговори. Ова овозможува можности кои не се достапни со традиционалните паметни телефони.

Компании како Meta, Google, Samsung и Amazon веќе инвестираат во AI уреди како паметни очила и привезоци, со цел да анализираат и одговараат на информации за околината на корисникот. Apple, исто така, развива паметни очила и привезоци, а OpenAI се очекува да лансира свој прв хардверски производ следната година.

И покрај предностите, овие уреди создаваат и сериозни прашања за приватност. Некои уреди имаат LED индикатор што покажува кога снимаат, но се пријавени случаи на злоупотреба, како снимање без знаење на сниманите лица. Компаниите како Google и Meta признаваат дека имаат голема одговорност да ја заштитат приватноста на корисниците и дека развојот на овие уреди бара внимателно разгледување на потенцијалните позитивни и негативни ефекти.

Оваа нова генерација на дискретни AI уреди ја отвара иднината на технолошката индустрија, но успехот ќе зависи од тоа дали компаниите ќе можат да обезбедат функционалност која надминува паметните телефони и да ја одржат довербата на потрошувачите во заштита на нивната приватност.