Тесла обвинета за токсично работно опкружување во фабриката во Германија

Најголемиот синдикат во Германија ИГ Метал обвинува дека Тесла создава токсично работно опкружување во својата фабрика во близина на Берлин, додека се зголемуваат тензиите пред изборите за работничкиот совет.

Според синдикатот, вработените се пренатоварени, а компанијата врши притисок врз оние што заболеле.ИГ Метал поднесе барање за привремена мерка пред работниот суд поради, како што велат, лажни обвинувања дека еден член на синдикатот снимал состанок на советот на работниците. Синдикатот исто така побара од обвинителството да истражи локален менаџер на Тесла за клевета.

Регионалниот лидер на ИГ Метал Јан Ото изјави дека управата на Тесла во Германија напаѓа синдикати „со беспрецедентна агресија“ и нагласи дека компанијата не смее да се извлече од оваа ситуација.

Изјавите ја истакнуваат растечката тензија пред клучните избори за работничкиот совет во фабриката следниот месец. ИГ Метал се надева да обезбеди мнозинство за да воведе колективен договор за плати, стандард во најголемата економија на Европа.

Извршниот директор на Тесла Илон Маск повеќепати изрази непријателство кон синдикатите и колективните договори. Во Германија, лидерите на синдикатите обично држат половина од местата во надзорните одбори на големите компании, што им дава моќ да влијаат и да блокираат стратешки одлуки.

Ситуацијата е дополнително критична бидејќи европската продажба на Тесла опаѓа на растечкиот пазар на електрични возила. Во Германија, каде се произведува моделот Y , новите регистрации на Тесла паднаа за 48% во 2025 година, а вработените долго време се жалат на неправедни услови за работа.

Членот на ИГ Метал и кандидат за работничкиот совет Филип Шварц зјави дека вработените имаат право да бидат третирани со почит и дека повеќе не сакаат да бидат гледани како машини што можат да се заменат кога не функционираат како што се очекува.