Акциите на софтверските компании паѓаат поради нови AI алатки од Amazon

Акциите на софтверските компании паднаа во вторникот откако извештајот за нови алатки на вештачка интелигенција од Amazon.com Inc. ја засили загриженоста за нарушување на пазарот која ја потресе индустријата во последните месеци.

Според извештајот на The Information, облачниот сегмент на Amazon, Amazon Web Services, развива AI агент кој ќе автоматизира дел од функциите во одделите за продажба, бизнис развој и други групи погодени од масовните отпуштања на технолошкиот гигант. Агенот ќе ја презема дел од работата на илјадници технички специјалисти во области како сајбер безбедност и серверско поврзување.

ETF фондот кој следи софтверски акции забележа пад од 4,3%, најголем во последниот месец, додека акции на компании како UiPath Inc. и HubSpot Inc. паднаа за околу 9%, а Atlassian Corp., сопственик на Trello, за 8,4%.

Софтверските акции се соочуваат со силен притисок оваа година, поради новите AI алатки од стартапи како Anthropic, што создава неизвесност за растот на традиционалните софтверски компании. ETF фондот iShares Expanded Tech-Software Sector бележи најлош квартал од 2008 година, со пад од над 23% од крајот на 2025 година.

Во понеделникот, Anthropic објави дека нивниот чатбот Claude сега може да преземе контрола врз корисничкиот компјутер за извршување задачи како навигација на интернет прелистувач и пополнување на табели.

Дополнителна загриженост предизвикаа финансиските компании Ares Management Corp. и Apollo Global Management Inc., кои ја ограничуваат можноста за повлекување од приватни кредитни фондови, откако загриженоста за заеми кон софтверски компании и други компании ранливи на AI предизвика масовни барања за повлекување на средства.